కువైట్: కువైట్ ఇంటర్నేషనల్ ఎయిర్ పోర్ట్ ను అక్టోబర్ 24 నుంచి పూర్తి సామర్థ్యంతో పని చేయనుంది. ఇందుకు సంబంధించి మూడో దశ ప్రణాళిక అమలుకు చర్యలు తీసుకోవాలని డైరెక్టరేట్ జనరల్ ఆఫ్ సివిల్ ఏవియేషన్ (DGCA) ని మినిస్టర్స్ కౌన్సిల్ ఆదేశించిందని DGCA ప్రకటించింది. ప్రస్తుతం కువైట్ ఇంటర్నేషనల్ ఎయిర్ పోర్ట్ రోజుకు 10,000 మంది ప్రయాణికుల పరిమితిని మాత్రమే కలిగి ఉంది. దీని కారణంగా ఇండియాతో సహా వివిధ దేశాల నుండి వచ్చే ప్రయాణీకులు అధిక ధర పెట్టి టిక్కెట్ కొనాల్సి వస్తుంది. ఈ ఆదివారం నుంచి ఎయిర్ పోర్ట్ పూర్తి సామర్థ్యంతో తెరవడం వల్ల విమాన టిక్కెట్ ధరలు కూడా భారీగా తగ్గే అవకాశం ఉంది.