కువైట్: COVID-19 థర్డ్ వేవ్ ను కట్టడి చేసే ప్రయత్నాలలో భాగంగా కువైట్ ప్రభుత్వం వీసాల బదిలీపై కీలక నిర్ణయం తీసుకుంది. కమర్షియల్ విజిట్ వీసాలను వర్క్ పర్మిట్‌ వీసాలుగా బదిలీ చేయడాన్ని కువైట్ లేబర్ అధికారులు నిలిపివేశారు. మంగళవారం నుండి వాణిజ్య విజిట్ వీసాలపై దేశానికి వచ్చే విదేశీయులకు వర్క్ పర్మిట్‌ల జారీని పబ్లిక్ అథారిటీ ఆఫ్ మ్యాన్‌పవర్ (PAM) నిలిపివేసినట్లు తెలిపింది. అన్ని రకాల ప్రవేశ వీసాల జారీని పునఃప్రారంభిస్తూ గత నెలలో కువైట్ కేబినెట్ తీసుకున్న నిర్ణయానికి ప్రస్తుత నిర్ణయం విరుద్ధంగా ఉండటం గమనార్హం.