కువైట్‌: కువైట్‌లో ఇప్పటివరకు ఒక్కటి కూడా ఒమిక్రాన్ కేసు నమోదు కాలేదని హెల్త్ మినిస్టర్ షేక్ డాక్టర్ బాసిల్ అల్-సబా చెప్పారు. ఒమిక్రాన్ తీవ్రత, ట్రీట్ మెంట్ ప్రొసీజర్స్ కోసం ఇంటర్నేషనల్ రిపోర్టుల కోసం ఎదురుచూస్తున్నట్లు ఆయన తెలిపారు. ప్రస్తుతం దేశంలోకి వ్యాక్సిన్ తీసుకున్నవారిని మాత్రమే అనుమతి ఇస్తున్నామన్నారు. కువైట్ లో వ్యాకినేషన్ రేటు మెరుగ్గా ఉందని...మాస్క్ పెట్టుకోవటం, వ్యాక్సిన్ వేసుకోవడం, బూస్టర్ డోస్ తీసుకోవటం  ద్వారా వైరస్ బారి నుంచి తప్పించుకోవచ్చని  బాసిల్ అల్-సబా అన్నారు. ఇక దేశంలోకి వచ్చిన ఎవరైనా వైరస్ బారిన పడకుండా PCR పరీక్ష కంటే ముందు కొన్ని రోజులు క్వారంటైన్ లో ఉండాలని మంత్రి సలహా ఇచ్చారు.