భరతమాత ముద్దు బిడ్డ 
భారతీయుల త్రివిధ దళాధిపతి
దేశంలోనే అత్యంత శక్తివంతమైన సైనికాధిపతి
దేశరక్షణే ధ్యేయంగా ఎనలేని నిబధ్ధతతో 
అహర్నిశలు అంకితభావంతో తమ ప్రాణాల కన్న 
ప్రజల ప్రాణాలే మిన్నగా నిరంతర సైనిక పోరాటంలో
అలుపెరగని యుధ్ధరంగంలో ఆరితేరిన వీరుడు
శత్రుసైనికులని ఎదురొడ్డి పోరాడిన అపరచాణక్యుడు
భారత రక్షణవ్యవస్థను పటిష్టం చేసిన శూరుడు 
ఎన్నో కీలకబాధ్యతలు చేపట్టిన బిపిన్ రావత్ 
ఊహించని విపత్కర పరిస్థితుల్లో ప్రాణాలని సైతం
లెక్కచేయకుండా విద్రోహక చర్యలని అరికడ్తు 
కులమతాలకు అతీతంగా మాతృభూమి రక్షణకై 
వెనుతిరగని రక్షకుడుగా చేస్తున్న మీ కృషి అమోఘం 
దేశసరిహద్దుల్లో ప్రహర కాస్తు గడ్డకట్టే చలిని సైతం
లెక్కచేయక నా ప్రతి రక్తపు బొట్టు నా దేశం కోసమే
అన్న యువసైనికుడు తెలుగుతేజం సాయితేజ్ 
నీ ధైర్యసాహసాలు త్యాగాలు ఆసేతు హిమాలయం
దివికెగసిన శాంతికాముకుడు సేవాతత్పరుడు
నా దేశం నా ఇల్లే అని చాటిచెప్పిన నీ సైనిక స్ఫూర్తి 
నీలగిరి కొండల్లో కొడిగట్టిన ఈ జవాన్ల జీవితాలు 
యావత్ మానవాళి వేనోళ్ళ కీర్తిస్తుంది జై జవాన్ 
ఏమిచ్చినా నీ ఋణం తీర్చుకోలేము ఓ సైనికా
అశ్రునయనాలతో ఓ వీరుడా నీకు ఇదే మా వందనం

--యామిని కొళ్లూరు(అబుధాబి)