కువైట్: దేశంలో కరోనా తీవ్రత తగ్గి ఇప్పుడిప్పుడే సాధారణ పరిస్థితులు నెలకొంటున్నాయి. ఈ నేపథ్యంలో ఆరు నెలలకు పైగా దేశం వెలుపల ఉండే డొమెస్టిక్ వర్కర్స్ రెసిడెన్సీని రద్దు చేసే ఆర్టికల్ (20) ని తిరిగి ప్రారంభిస్తున్నట్లు రెసిడెన్సీ వ్యవహారాల విభాగం ప్రకటించింది. ఆరు నెలల కాలాన్ని డిసెంబర్ 1, 2021 నుండి లెక్కించనున్నట్టు వెల్లడించింది. గతంలో కరోనా మహమ్మారి నేపథ్యంలో విమాన ప్రయాణాలపై ఆంక్షలు, ఎయిర్ పోర్టుల మూసివేత తదితర కారణాలతో ఈ నిబంధనను టెంపరరీగా నిలిపివేశారు. అయితే డొమెస్టిక్ వర్కర్స్ రెసిడెన్సీని ఆరు నెలల కంటే ఎక్కువ కాలం పొడిగించాలనుకునే పౌరులు.. ఆరు నెలల టైం ముగిసేలోపు ప్రత్యేకంగా అనుమతి కోసం దరఖాస్తు చేసుకోవాలని పరిపాలన విభాగం స్పష్టం చేసింది.