కువైట్: జనవరి 2 నుండి కొత్త ట్రావెల్ నిబంధనలు అమల్లోకి రానున్నాయి. 9 నెలల క్రితం రెండవ డోస్ తీసుకుంటే, వారు కచ్చితంగా బూస్టర్ డోస్ తీసుకోవాల్సిందే. లేదంటే వారిని ప్రయాణించడానికి అనుమతించరు. ఈమేరకు పౌర విమానయాన డైరెక్టరేట్ జనరల్ ఒక సర్క్యులర్ జారీ చేసింది. రెండో డోస్ తీసుకున్నవారు బూస్టర్ షాట్ తీసుకోకుంటే అలాంటి వారిని వ్యాక్సిన్ తీసుకోని వారిగా పరిగణిస్తారు.  డిసెంబర్ 26 నుండి కువైట్ కు  వచ్చే ప్రయాణికులు తప్పనిసరిగా 48 గంటల ముందుగా చేయించుకున్న PCR  టెస్ట్ నెగిటివ్ సర్టిఫికేట్ సమర్పించాలని సర్క్యులర్ లో పేర్కొంది. అలాగే కువైట్ కు వచ్చిన వారు 10 రోజుల పాటు హోమ్ క్వారంటైన్ లో ఉండాలి. ఒకవేళ 72 గంటల తర్వాత PCR టెస్ట్ లో నెగిటివ్ ఫలితం వస్తే వారు క్వారంటైన్‌ నుంచి బయటకు వచ్చేందుకు అనుమతిస్తారు.