యూఏఈ: నకిలీ నిమ్మకాయల్లో దాచిన 58 మిలియన్ దిర్హాంల డ్రగ్స్ ను దుబాయ్ పోలీసులు స్వాధీనం చేసుకున్నారు. 1,160,500 క్యాప్టాగన్ ట్యాబెట్లను అక్రమంగా తరలిస్తున్న నలుగురు వ్యక్తులను అరెస్టు చేశారు. వీటి విలువ 58 మిలియన్ దిర్హామ్‌లు ఉంటుందని అధికారులు తెలిపారు. "66"గా పిలువబడే ఈ ప్రోయాక్టివ్ ఆపరేషన్‌ను జనరల్ డిపార్ట్‌మెంట్ ఆఫ్ యాంటీ నార్కోటిక్స్ నిర్వహించింది.  నిందితులు నిమ్మకాయల పెట్టెలు, ప్లాస్టిక్ డ్రగ్ కంటైనర్‌లలో నకిలీ నిమ్మకాయలను ఉంచారు. అందులో డ్రగ్స్ ను తరలించే ప్రయత్నం చేస్తున్నట్లు సమాచారం అందటంతో తనిఖీలు చేసి డ్రగ్స్  స్వాధీనం చేసుకున్నట్లు దుబాయ్ పోలీసులు తెలిపారు.