గల్ఫ్:  కోవిడ్-19 కొత్త వేరియంట్ ఒమిక్రాన్ కారణంగా హాస్పిటల్ లో చేరుతున్న వారి సంఖ్య డెల్టా వేరియంట్ కంటే తక్కువగానే ఉందని సౌతాఫ్రికా స్టడీ తెలిపింది. డెల్టా వేరియంట్ సోకిన వారి హాస్పిటలైజేషన్ తో పోల్చుకుంటే ఒమిక్రాన్ సోకిన వారు 40% -45% తక్కువగా ఆస్పత్రుల్లో చేరుతున్నారని ఆ స్టడీ పేర్కొంది. అక్టోబర్ 1 నుంచి నవంబర్ 30 మధ్య దక్షిణాఫ్రికాలో ఒమిక్రాన్‌ సోకిన వారు.. అదే కాలంలో డెల్టా వేరియంట్ సోకిన వారి కంటే ఆసుపత్రిలో 80% తక్కువగా చేరారని సౌతాఫ్రికా అధ్యయనం తేల్చింది. అయినప్పటికీ ఒమిక్రాన్ వేరియంట్ ప్రమాదకరమేనని, వ్యాక్సిన్ రక్షణ, సహజ రక్షణను అది తట్టుకునే శక్తి ఉందని, రాబోయే రోజుల్లో అది తీవ్ర ప్రభావం చూపే అవకాశం ఉందని, ఇతర వేరియంట్లతో పోల్చుకుంటే ఒమిక్రాన్ వ్యాప్తి రేటు అధికమని, కొవిడ్ సోకకుండా జాగ్రత్తలు పాటించాలని అధ్యయనం సూచించింది.