కువైట్ సిటీ: కువైట్ మినిస్ట్రీ ఆఫ్ హెల్త్ వెల్లడించిన వివరాల ప్రకారం 50 ఏళ్ళు పైబడినవారు ముందస్తు అపాయింట్మెంట్ లేకుండానే బూస్టర్ డోస్ పొందవచ్చు. సోమవారం నుంచి ఈ విధానం అందుబాటులోకి వచ్చింది. అయితే, అలాంటివారంతా ఇప్పటికే రెండు డోసులు తీసుకుని వుండాలి. 50 ఏళ్ళ లోపువారైతే, ముందస్తుగా అపాయింట్మెంట్ బూస్టర్ డోసు కోసం తీసుకోవాలి. జబెర్ బ్రిడ్జి, మిష్రెఫ్ మరియు జిలీబ్ అల్ షుయోక్ యూత్ సెంటర్ అలాగే దేశవ్యాప్తంగా పబ్లిక్ ఆసుపత్రుల్లో వ్యాక్సినేషన్ అందుబాటులో వుంది. గత వారం 115,024 మంది బూస్టర్ డోసుని తీసుకోగా, ఇప్పటిదాకా మొత్తంగా బూస్టర్ డోసులు తీసుకున్నవారి సంఖ్య 461,693కి చేరుకుంది.