యూఏఈ: అవగాహనా క్లాసుల్లో పాల్గొనడం ద్వారా అబుదాబీలో 1,219 మంది డ్రైవర్లు, తమ బ్లాక్ పాయింట్లను తగ్గించుకున్నారు 2021లో. మోటరిస్టులు 789 ట్రైనింగ్ కోర్సుల్ని పొంది ట్రాఫిక్ పాయింట్లను తగ్గించుకున్నారు అలాగే తమ డ్రైవింగ్ లైసెన్సుల్ని వెనక్కి తెచ్చుకోగలిగారు. ట్రాఫిక్ నిబంధనల పట్ల అవగాహన కల్పించడం కోసమే జరీమానాలు విధించడం జరుగుతోందని, బ్లాక్ పాయింట్లు విధిస్తున్నామనీ అబుదాబీ పోలీస్ పేర్కొంది. 3 ట్రైనింగ్ పోగ్రామ్స్ ద్వారా ఉల్లంఘనుల్లో చైతన్యం తీసుకొస్తున్నారు. ప్రోగ్రామ్ పూర్తి చేసినవారికి ఏడాదికి 8 పాయింట్లు తగ్గించుకునేలా అవకాశం కల్పిస్తున్నారు. పాయింట్ల వారీగా ఈ ప్రోగ్రామ్లను డిజైన్ చేశారు.