బహ్రెయిన్: ఇసా టౌన్‌లోని తన ఇంటి సమీపంలో శుక్రవారం కనిపించకుండా పోయిన షాహద్‌ను వెతికే ప్రయత్నాలు కొనసాగుతున్నాయి. కుటుంబ వివాదాల కారణంగానే ఆమె ఇంటిని విడిచివెళ్లినట్లు ప్రాథమికంగా పోలీసులు అంచనా వేస్తున్నారు. అంతర్గత వ్యవహారాల మంత్రిత్వ శాఖ ఈమేరకు ట్వీట్ చేసింది. విహారయాత్రకు సిద్ధమవుతున్న క్రమంలో తమ కుమార్తె కనిపించకుండా పోయిందని బాలిక తల్లి చెప్పిందన్నారు. తప్పిపోయిన బాలికకు సంబంధించిన ఏదైనా సమాచారం 66610106కు తెలియజేయాలని కోరారు. మరోవైపు వ్యాపారవేత్త హమెద్ కానూ.. బాలికను వెతకటానికి సహకరించే ఎవరికైనా తక్షణ నగదు బహుమతిగా BD2,000 ఇవ్వనున్నట్లు ప్రకటించారు. వివరాలు తెలిసిన వారు 17171656 నంబర్ కు కాల్ చేయాలని కోరారు.