కువైట్: ఎయిర్ కస్టమ్స్ అధికారులు పెద్ద మొత్తంలో నిషేధిత పొగాకు, లారికా పౌడర్‌ను స్వాధీనం చేసుకున్నారు. దేశంలోకి అక్రమంగా తరలిస్తున్న 20 కిలోల లారికా పౌడర్, రెండు టన్నుల నమిలే పొగాకును ఎయిర్ కార్గో విభాగానికి చెందిన కస్టమ్స్ అధికారులు సీజ్ చేశారు. నిషిద్ధ వస్తువులు (పొగాకు, లారికా పౌడర్) ఎయిర్ పార్శిల్ ప్యాకెట్లలో తరలిస్తుండగా గుర్తించి స్వాధీనం చేసుకున్నట్లు ఎయిర్ కార్గో డైరెక్టర్ ముత్లాక్ టర్కీ అల్-అంజీ తెలిపారు. ఇందులో ఒకటి గల్ఫ్ దేశం నుంచి, మరొకటి చైనా నుంచి ఎక్స్ ప్రెస్ మెయిల్ ద్వారా వచ్చాయన్నారు. ఎయిర్ కార్గో కస్టమ్స్, జనరల్ అడ్మినిస్ట్రేషన్ ఆఫ్ కస్టమ్స్ డైరెక్టర్ జనరల్ ఆదేశాల మేరకు కార్గోల తనిఖీ ప్రక్రియను చేపట్టినట్టు వివరించారు.