దుబాయ్: ప్రపంచంలోనే అత్యంత వేగవంతమైన, అత్యంత ఖరీదైన అంబులెన్స్ రెస్పాండర్ అయిన 'హైపర్‌స్పోర్ట్ రెస్పాండర్'ని దుబాయ్ ఎక్స్ పో 2020 వేదికగా దుబాయ్ కార్పొరేషన్ ఫర్ అంబులెన్స్ సర్వీసెస్ (DCAS) ఆవిష్కరించింది.  యూఏఈకి చేందిన లైకాన్ హైపర్‌స్పోర్ట్ సూపర్‌కార్ దుబాయ్ ఆధారిత కంపెనీ డబ్ల్యూ మోటార్స్ తో కలిసి దీన్ని తయారు చేసింది. దీని రేటు Dhs13 మిలియన్లు. ప్రపంచంలోని ఏడు లైకాన్ హైపర్‌స్పోర్ట్ కార్లలో ఒకటైన 'హైపర్‌స్పోర్ట్ రెస్పాండర్'.. 2.8 సెకన్లలో 0 నుండి 100 కిమీ/గం వేగాన్ని అందుకుంటుంది. దాని ట్విన్ టర్బోచార్జ్డ్ 780 హెచ్‌పి పోర్స్చే ఇంజన్‌తో గరిష్టంగా 400 కిమీ/గం వేగాన్ని పొందుతుంది. ముందు LED హెడ్‌లైట్‌లలో 440 వజ్రాలు అమర్చబడి ఉంటాయి. రెస్పాండర్ బంగారు పూతతో కూడిన ఇంటీరియర్ రూఫ్‌తో తయారు చేశారు. అలాగే కారు క్యాబిన్ బంగారంతో కుట్టిన లేయర్ తో అప్హోల్స్టర్ చేయబడింది. ఇంటరాక్టివ్ మోషన్ కంట్రోల్, శాటిలైట్ నావిగేషన్, ఇంటర్నెట్‌కి కనెక్ట్ అయ్యే సిస్టమ్‌తో కూడిన ప్రపంచంలోని మొట్టమొదటి 3D హోలోగ్రాఫిక్ హోలోగ్రాఫిక్ మిడ్-ఎయిర్ డిస్‌ప్లేతో సహా అనేక ఫీచర్లను కలిగి ఉంది. లైకాన్ హైపర్‌స్పోర్ట్ కారు హాలీవుడ్ బ్లాక్‌బస్టర్ మూవీ ఫాస్ట్ & ఫ్యూరియస్ 7లో మొదటిసారి కనిపించింది. ఈ సందర్భంగా దుబాయ్ కార్పోరేషన్ ఫర్ అంబులెన్స్ సర్వీసెస్ (DCAS) సీఈఓ ఖలీఫా బిన్ దర్రాయ్ మాట్లాడుతూ.. 'హైపర్‌స్పోర్ట్ రెస్పాండర్' ప్రారంభంతో ఆవిష్కరణ రంగంలో ప్రపంచంలోని ప్రముఖ నగరాల్లో ఒకటిగా దుబాయ్‌ని మరోసారి నిలిపిందన్నారు.