కువైట్: ఫ్రంట్‌లైన్ వర్కర్లకు ఫ్రీ ఫుడ్ అందివ్వనున్నట్లు కువైట్ వాణిజ్యం, పరిశ్రమల మంత్రి ఫహద్ అల్-షురైఆన్ ప్రకటించారు. మార్చి 1 నుంచి ఈ పథకాన్ని ప్రారంభించనున్నట్లు ఆయన పేర్కొన్నారు. ఈ మేరకు మంత్రిత్వ శాఖకు సూచనలు ఇచ్చినట్లు ఆయన తెలిపారు. కోవిడ్-19 మహమ్మారిని ఎదుర్కోవడంలో వారు చూపే తెగువ వెలకట్టలేదని అభిప్రాయపడ్డారు.  ఆరోగ్య, అంతర్గత వ్యవహారాల మంత్రిత్వ శాఖలు పంపిన డేటా అందిందని, 2020 సంవత్సరానికి సంబంధించిన క్యాబినెట్ రిజల్యూషన్ నంబర్ 807కి అనుగుణంగా ఫ్రంట్ లైన్ వర్కర్లకు నివాస ప్రాంతాలలో ఉన్న పబ్లిక్ హాల్స్ లో ఫుడ్ ఐటమ్స్ సప్లై జరుగుతుందన్నారు. కువైట్ మాజీ అమీర్ దివంగత షేక్ సబా అల్-అహ్మద్ అల్-జాబెర్ అల్-సబా యొక్క ఆదేశాన్ని నెరవేర్చడానికి ప్రధాన మంత్రి షేక్ సబా ఖలీద్ అల్-హమద్ అల్-సబా ఇచ్చిన సూచనల మేరకు ఈ ఫ్రీ ఫుడ్ స్కీంను ఇంప్లిమెంట్ చేస్తున్నామన్నారు.