బహ్రెయిన్: నిన్న తెల్లవారుజామున సల్మానియా మెడికల్ కాంప్లెక్స్ (SMC)లోని గోదాములలో ఒకదానిలో అగ్నిప్రమాదం సంభవించింది. అయితే ఈ ప్రమాదంలో ఎవరికి ఎలాంటి గాయాలు కాకపోవడంతో అందరూ ఊపిరిపీల్చుకున్నారు. సమాచారం అందుకున్న వెంటనే ఫైర్ డిపార్టుమెంట్ సిబ్బంది సంఘటన స్థలానికి వచ్చి మంటలను అదుపు చేయడంతో తీవ్ర నష్టం వాటిల్లలేదని జనరల్ డైరెక్టరేట్ ఆఫ్ సివిల్ డిఫెన్స్ అధికారులు తెలిపారు. ప్రమాదానికి గల కారణాలపై విచారణ జరుగుతుందని అధికారులు వెల్లడించారు.