బహ్రెయిన్: ప్రముఖ ఎయిర్‌లైన్ రేటింగ్ బాడీ స్కైట్రాక్స్ నుండి 5-స్టార్ రేటింగ్‌ను బహ్రెయిన్ ఇంటర్నేషనల్ ఎయిర్‌పోర్ట్ (BIA) పొందింది. దీంతో మిడిల్ ఈస్ట్ లోని మూడవ అత్యున్నత స్థాయి ఇంటర్నేషనల్ ఎయిర్ పోర్టుగా BIA నిలిచింది.  మెరుగైన సర్వీసులు, నాణ్యమైన ఫుడ్, ఉత్తమమైన కస్టమర్ సర్వీసులు, ఫ్లైట్స్ రాకపోకల్లో ప్రామాణికత వంటి ఆధారంగా రేటింగ్ ను నిర్ణయిస్తారు. బహ్రెయిన్ ఇంటర్నేషనల్ ఎయిర్‌పోర్ట్ ఆధునిక సదుపాయాలతో గల్ఫ్ లోని అత్యంత ఆధునిక బోటిక్ విమానాశ్రయంగా పేరుగాంచింది. స్కైట్రాక్స్ నుండి 5-స్టార్ రేటింగ్‌ను పొందడం ద్వారా ప్రయాణీకులకు ఆకర్షణీయమైన కేంద్రంగా నిరూపించుకుందని BIA వర్గాలు స్పష్టం చేశాయి.