యూఏఈ: కరోనా వ్యాప్తి అదుపులోకి రావడంతో షార్జా ఎమిరేట్‌లో సాధారణ పరిస్థితులు నెలకొంటున్నాయి.  ఈ నేపథ్యంలో షార్జాలో అన్ని కార్యకలాపాలు, ఈవెంట్‌లను పూర్తి సామర్థ్యంతో నిర్వహించుకునేందుకు అనుమతించారు. ఈ మేరకు కొవిడ్ పరిమితులను ఎత్తివేశారు. ఎకనామిక్, టూరిజం, ఎంటర్ టైన్ మెంట్, షాపింగ్ కేంద్రాలలో సామర్థ్య పరిమితులను సడలించాలని ఎమిరేట్ నిర్ణయించింది. పబ్లిక్ ట్రాన్స్ పోర్ట్ కూడా దాని పూర్తి సామర్థ్యంతో పనిచేయనుంది. మస్జీదులు, ప్రార్థనా స్థలాలలో ఆరాధకుల మధ్య దూరాన్ని మీటరుకు తగ్గించారు.