కువైట్: 'వ్యాక్సినేషన్ లేని' ఎంట్రీని కువైట్ పౌరులకు మాత్రమే పరిమితం చేస్తూ డైరెక్టరేట్ జనరల్ ఆఫ్ సివిల్ ఏవియేషన్ (DGCA) సర్క్యులర్ జారీ చేసింది. కువైట్ ఇంటర్నేషనల్ ఎయిర్‌పోర్ట్ లో పనిచేస్తున్న అన్ని విమానయాన సంస్థలకు ఈ సర్క్యులర్‌ ను పంపారు. ఫిబ్రవరి 20 వరకు  ప్రయాణికులందరూ స్వేచ్ఛగా కువైట్ వదిలి వెళ్ళడానికి అనుమతించారు. అయితే దేశంలోకి వచ్చేందుకు మాత్రం కరోనా నియంత్రణ నిబంధనలను పాటించాల్సి ఉంటుంది. కోవిడ్ వ్యాక్సిన్ తీసుకోని ప్రయాణీకులు, వ్యాక్సినేషన్ సర్టిఫికేట్ లేకుండా దేశంలోకి ప్రవేశించే "కువైటీలు" ప్రయాణానికి ముందు 72 గంటల ముందు చేసుకున్న పీసీఆర్ నెగటివ్ సర్టిఫికేట్ సమర్పించాలని సర్క్యులర్ పేర్కొంది. 16 సంవత్సరాల కంటే తక్కువ వయస్సు ఉన్న పిల్లలను ఈ ప్రక్రియ నుండి మినహాయింపునిచ్చారు. కాగా ఈ సర్క్యులర్‌లో నాన్‌ కువైట్‌ల గురించి ప్రస్తావించలేదు.