స్పోర్ట్స్ అథారిటీ ఆఫ్ ఆంధ్రప్రదేశ్, విజయవాడ, నిరుద్యోగులకు శుభవార్త చెప్పింది. పలు ఉద్యోగాలను, భర్తీ చేయనున్నట్లు ప్రకటించింది. ఈ మేరకు తాజాగా నోటిఫికేషన్, విడుదల చేసింది. అర్హత, ఆసక్తి కలిగిన అభ్యర్థులు ఆన్లైన్లో అప్లై చేసుకోవాల్సి ఉంటుంది. ఈ ఉద్యోగాలకు దరఖాస్తుల ప్రక్రియ ఇప్పటికే ప్రారంభంకాగా దరఖాస్తు చేసుకోవడానికి ఈ నెల 30ని ఆఖరి తేదీగా నిర్ణయించారు. అర్హత, ఆసక్తి కలిగిన అభ్యర్థులు ఆ తేదీలోగా అప్లై చేసుకోవాలని ప్రకటనలో స్పష్టం చేశారు. అభ్యర్థులు https://www.sports.ap.gov.in/#/లింక్ ద్వారా అప్లై చేసుకోవాల్సి ఉంటుంది.

ఖాళీలు, విద్యార్హతల వివరాలు..
ఈ నోటిఫికేషన్ ద్వారా మొత్తం 5 ఖాళీలను భర్తీ చేయనున్నారు. విభాగాల వారీగా ఖాళీలు, విద్యార్హతల వివరాలు ఇలా ఉన్నాయి.

సీనియర్ కన్సల్టెంట్స్: ఈ విభాగంలో 2 ఖాళీలు ఉన్నాయి. స్పోర్ట్స్ మేనేజ్మెంట్ విభాగంలో మాస్టర్ డిగ్రీ చేసిన వారు ఈ ఖాళీలకు అర్హులు. సంబంధిత విభాగంలో అనుభవం ఉండాలని ప్రకటనలో స్పష్టం చేశారు. మార్చి 10 నాటికి 45 ఏళ్లలోపు ఉండాలి.

మార్కెట్ ఎగ్జిక్యూటీవ్: ఈ విభాగంలో 2 ఖాళీలు ఉన్నాయి. గ్రాడ్యుయేషన్ చేసిన వారు ఈ ఖాళీలకు అప్లై చేసుకోవచ్చు. సంబంధిత పనిలో అనుభవం ఉండాలి. 50 ఏళ్లు ఉండాలి.

మీడియా మేనేజర్: ఈ విభాగంలో 1 ఖాళీ ఉంది. సంబంధిత సబ్జెక్టుల్లో కనీసం 60 శాతం మార్కులతో డిగ్రీ చేసిన అభ్యర్థులు ఈ ఖాళీలకు అర్హులు. మార్చి 10 నాటికి 45 ఏళ్లు మించకుండా ఉండాలి.

వేతనం: ఈ ఖాళీలకు ఎంపికైన వారికి నెలకు రూ.45 వేల నుంచి రూ.75 వేల వరకు వేతనం చెల్లించనున్నారు. దరఖాస్తు చేసుకున్న అభ్యర్థులకు ఇంటర్వ్యూలను నిర్వహించి ఎంపిక చేస్తారు.