వేలాది మంది స్టూడెంట్స్‌ ఇండియన్‌ స్కూల్స్‌కి ఉత్సాహంగా తరలి వెళ్ళారు. ఆదివారం ఉదయం 2016-17 విద్యా సంవత్సరం ప్రారంభం కారణంగా స్కూళ్ళకు విద్యార్థులు వెళ్ళడం జరిగింది. కొత్త పుస్తకాలు, కొత్త యూనిఫామ్‌, కొత్త షూస్‌తో స్కూల్స్‌ పరిసర ప్రాంతాలు కళకళ్ళాడాయి. స్కూల్‌ బస్‌ స్టాప్స్‌ వద్ద విద్యార్థుల సందడి ఆదివారం ఉదయం నుంచీ కనిపించింది. కొత్త విద్యా సంవత్సరం కోసం స్కూల్స్‌ సరికొత్తగా సిద్ధమయ్యాయి. ఈ సంవత్సరం ఇంకా ఆకర్షణీయమైన విద్యా విధానాల్ని అందించనున్నట్లు పలు స్కూల్స్‌ యాజమాన్యాలు తెలిపాయి. వచ్చే సంవత్సరం 20 కొత్త స్కూల్స్‌ ప్రారంభమయ్యే అవకాశం ఉంది. ఈ ఏడాది జెమ్స్‌ సంస్థ అబుదాబీ మరియు దుబాయ్‌లలో కొత్త శాఖలను ప్రారంభించాయి.