యూఏఈ: మూన్ సైటింగ్ కమిటీ, ముస్లింలందరూ యూఏఈలో షవ్వాల్ క్రిసెంట్ చంద్రుడ్ని చూడాల్సిందిగా సూచించడం జరిగింది. శనివారం సాయంత్రం దీన్ని చూడాల్సిందిగా సూచన చేయడం జరిగింది. షవ్వాల్ నెలవంక కనిపిస్తే, సమీపంలోని కోర్టుకి సమాచారం ఇవ్వాల్సి వుంటుంది. షవ్వాల్ తొలి రోజున ఈద్ అల్ ఫితర్‌గా గుర్తిస్తారు. మే 2న ఈద్ అల్ ఫితర్ వచ్చే అవకాశం వున్నట్లు ఆస్ట్రనామికల్ అంచనాలు చెబుతున్నాయి. కాగా, యూఏఈ వ్యాప్తంగా మసీదులన్నీ ప్రత్యేక ఈద్ ప్రార్థనల కోసం ముస్తాబవుతున్నాయి.