కువైట్: ఈద్ అల్ ఫితర్ పండుగ సందర్భంగా శుభాకాంక్షలను ప్రదర్శిస్తూ అనధికారికంగా ఏర్పాటు చేసిన  బిల్‌బోర్డులకు వ్యతిరేకంగా కువైట్‌లోని మునిసిపల్ అధికారులు క్యాంపెయిన్ ను ప్రారంభించారు. రోడ్లపై అనధికారికంగా ఏర్పాటు చేసిన బిల్ బోర్డులను క్యాంపెయిన్ సందర్భంగా తొలగిస్తున్నారు. ప్రజలకు ఇబ్బందులు కలిగించేలా బిల్ బోర్డుల ఏర్పాటు అశాస్త్రీయం అని మునిసిపల్ అధికారులు తెలిపారు. ఇలాంటి బోర్డుల కారణంగా రోడ్ సేఫ్టీ మార్గదర్శక సంకేతాలు కన్పించక వాహనదారులు ఇబ్బందులు ఎదుర్కొంటున్నారని తెలిపారు. ఇలాంటి అనధికారిక గ్రీటింగ్ బోర్డులపై మున్సిపాలిటీకి పలు ఫిర్యాదులు అందిన నేపథ్యంలో క్యాంపెయిన్ ను మొదలుపెట్టినట్లు మునిసిపల్ అధికారులు వెల్లడించారు.