వంట గ్యాస్‌ ధరల్ని నార్త్‌ ఎమిరేట్స్‌లో తగ్గించారు. ఇప్పటివరకూ 31 దిర్హామ్స్‌గా ఉన్న సిలెండర్‌ ధరని 29 దిర్హామ్‌కి తగ్గిస్తూ నిర్ణయం తీసుకున్నారు. ఏడీఎన్‌ఓసీ డిస్ట్రిబ్యూషన్‌, మార్కెటింగ్‌ అండ్‌ కార్పొరేట్‌ కమ్యూనికేషన్స్‌ వైస్‌ ప్రెసిడెంట్‌ ఖలీద్‌ హది మాట్లాడుతూ అంతర్జాతీయంగా చమురు ధరల ప్రభావంతో ఈ తగ్గింపు నిర్ణయం తీసుకున్నట్లు చెప్పారు. ఎడిఎన్‌ఓసీ సంస్థ షార్జా, అజ్మన్‌, ఉమ్‌ అల్‌ ఖైవైన్‌, రస్‌ అల్‌ ఖైమా మరియు ఫజారియాలలో సర్వీస్‌ స్టేషన్ల ద్వారా ప్రతిరోజూ 3 వేల కుకింగ్‌ గ్యాస్‌ సిలెండర్లను సరఫరా చేస్తోంది. రహల్‌ ఇ గ్యాస్‌ షార్జాలోని తమ అధికారులకు ఉచితంగా వంట గ్యాస్‌ని అందిస్తోంది. కార్డులు కల మిగతా వారు మాత్రం డబ్బులు చెల్లించి యూఏఏఈ వ్యాప్తంగా గ్యాస్‌ సిలెండర్స్‌ని పొందాల్సి ఉంటుంది.

--సి.శ్రీ(దుబాయ్)