కువైట్: గురువారం వరకు వాతావరణం నిలకడగా ఉంటుందని కువైట్‌ వాతావరణ నిపుణుడు ముహమ్మద్ కరం తెలిపారు. అయితే వచ్చే వారాంతంలో వాతావరణంలో మార్పు కనిపిస్తుందని ఆయన చెప్పారు. శుక్రవారం, శనివారాల్లో వాతావరణం భిన్నంగా ఉంటుందని, అల్పపీడనాలు ఏర్పడే అవకాశాలు ఉన్నాయన్నారు. దీనితో పాటు చురుకైన వాయువ్య గాలులు గాలిలో దుమ్మును పెంచుతాయని వాతావరణ శాస్త్రవేత్త ముహమ్మద్ కరం తెలిపారు. దేశంలో ఇంకా సరయత్ సీజన్ కొనసాగుతోందని, ఇది మేలో ముగుస్తుందన్నారు. ఈ రోజుల్లో గరిష్ట ఉష్ణోగ్రత 38 నుండి 40 డిగ్రీల సెల్సియస్ మధ్య ఉంటుందని ముహమ్మద్ కరం తెలిపారు.