అనిల్ రావిపూడి దర్శకత్వంలో తెరకెక్కిన ‘ఎఫ్ 3’ మూవీ మరి కొద్ది రోజుల్లోనే రిలీజ్‌కి ముస్తాబవుతోన్న సంగతి తెలిసిందే. ఈ సినిమా ప్రమోషన్లలో అనిల్ రావిపూడి తన తదుపరి ప్రాజెక్ట్ కోసం కూడా లీకులిస్తున్న సంగతీ తెలిసిందే.

అనిల్ రావిపూడి నెక్స్‌ట్ ప్రాజెక్ట్ నందమూరి నటసింహం బాలయ్యతో వుండబోతోంది. బాలయ్య కోసం ఆల్రెడీ మాంచి మాస్ స్టోరీని అనిల్ సిద్ధం చేసేసుకున్నాడు. ఇంతకు ముందెన్నడూ లేని విధంగా బాలయ్యని తన సినిమాలో చూపించబోతున్నానంటూ సినిమాపై అంచనాలు భారీగా పెంచేస్తున్నాడు అనిల్ రావిపూడి.

ఇక ఈ సినిమాకి సంబంధించి లేటెస్ట్ అప్‌డేట్ ఏంటంటే, తండ్రీ కూతుళ్ల కాన్సెప్ట్‌తో ఈ సినిమా రూపొందబోతోందట. 50 ఏళ్ల తండ్రి పాత్రలో బాలయ్యని చూపించబోతున్నాడట అనిల్ రావిపూడి. మరి కూతురి పాత్రలో కనిపించేదెవరు.?

ఆ విషయంలోనూ ఫుల్ క్లారిటీతో వున్నాడు అనిల్. ‘పెళ్లి సందడి’ సినిమాతో క్రేజ్ సంపాదించుకున్న కన్నడ బ్యూటీ శ్రీలీల బాలయ్యకు కూతురుగా నటించబోతోందట. ఎమోషన్స్‌తో పాటు, బబ్లీనెస్ కూడా జోడించిన పాత్రట ఇది. తన మార్క్ ఎంటర్‌టైన్‌మెంట్‌తో బాలయ్య మాస్ ఇమేజ్‌ని పదింతలు పెంచేలా ఈ సినిమా వుండబోతోందని అనిల్ తాజాగా చెప్పుకొచ్చాడు.

ప్రస్తుతం శ్రీలీల చేతిలో అరడజనుకు పైగా ప్రాజెక్టులున్నాయ్. వాటన్నింటిలో బాలయ్య ప్రాజెక్ట్ సమ్‌థింగ్ ఢిఫరెంట్ అనే చెప్పాలి.