యూఏఈ: ఫిఫా సాకర్ వరల్డ్ కప్ 2022 సందర్భంగా ఖతార్‌కు గల్ఫ్ అరబ్ ఎయిర్‌లైన్స్ 160 కంటే ఎక్కువ రోజువారీ షటిల్ విమానాలను నడుపుతాయని ఖతార్ ఎయిర్‌వేస్ తెలిపింది. దీనివల్ల గల్ఫ్-అరబ్ ప్రాంతంలోని ఫుట్ బాల్ అభిమానులు సకాలంలో ఆటను ఆస్వాదించేందుకు వీలవుతుందని పేర్కొంది. యునైటెడ్ అరబ్ ఎమిరేట్స్ (యుఎఇ) విమానయాన సంస్థ ఫ్లై దుబాయ్, ఒమన్ ఎయిర్, కువైట్ ఎయిర్‌వేస్, సౌదీ అరేబియా ఎయిర్‌లైన్స్ (సౌదీయా) షటిల్ విమానాలను నడుపుతాయని, యుఎఇకి చెందిన ఎతిహాద్, ఎయిర్ అరేబియా లతో కూడా అవగాహాన ఒప్పందం కూదుర్చుకోనున్నట్లు ఖతార్ ఎయిర్‌వేస్ సీఈఓ అక్బర్ అల్-బేకర్ చెప్పారు.