దోహా: గత వారం మెట్రాష్2 యాప్ ద్వారా వరల్డ్ కప్ లోగోతో కూడిన ప్రత్యేక నంబర్ ప్లేట్ల కోసం 11వ ఎలక్ట్రానిక్ వేలాన్ని జనరల్ డైరెక్టరేట్ ఆఫ్ ట్రాఫిక్ ముగించింది. అధికారిక ప్రపంచ కప్ లోగోతో కూడిన మొత్తం 50 ప్రత్యేక నంబర్ ప్లేట్లు ఆన్‌లైన్ వేలంలో విక్రయించారు. ప్రత్యేక నంబర్ ప్లేట్ 811118 అన్నింటికంటే అధిక ధర QR1.8million (1848000) కు అమ్ముడుపోయింది. దీని తర్వాత రెండవ నంబర్ ప్లేట్ 666662 దాదాపు QR1.7 మిలియన్లు పొందింది. వేలంలో అమ్ముడుపోయిన నంబర్ ప్లేట్ అత్యల్ప ధర QR200,000.జనరల్ డైరెక్టరేట్ ఆఫ్ ట్రాఫిక్ షరతుల ప్రకారం.. వేలంలో గెలిచిన వ్యక్తి 4 పని దినాలలో తప్పనిసరిగా ట్రాఫిక్ విభాగాన్ని సంప్రదించాలి.