నకిలీ వర్సిటీ స్కాం ఎఫెక్ట్ డిపోర్టేషన్‌కు సిద్ధమన్న అమెరికా అధికారులు వాషింగ్టన్‌ అమెరికన్‌ వర్సిటీల్లో వీసాల కుంభకోణం రట్టు చేసేందుకు ఇటీవలే భారీ స్టింగ్‌ ఆపరేషన్‌ నిర్వహించి.. 21 మంది అక్రమార్కులను అరెస్టు చేసిన హోంలాండ్‌ సెక్యూరిటీ ఇన్వెస్టిగేషన్స్‌ అధికారులు ఇప్పుడు విద్యార్థులపై దృష్టి సారించారు. ఈ ఆపరేషన్‌లో తమకు తెలియకుండానే భాగమై యూనివర్సిటీ ఆఫ్‌ నార్తర్న్‌న్యూజెర్సీ విద్యార్థులుగా అమెరికా గడ్డపై అడుగుపెట్టిన 306 మందినీ అధికారులు గుర్తించారు. అక్కడి నుంచి వారిని భారతకు తరలించేందుకు (డీపోర్టేషన్‌) ఏర్పాట్లు చేస్తున్నట్టు యూఎ్‌సఐసీఈ అధికార ప్రతినిధి అల్విన్‌ ఫిలిప్స్‌ తెలిపారు. యూఎ్‌సలో పెరిగిపోతున్న వీసా కుంభకోణాలను అరికట్టడం, అక్రమార్కులను పట్టుకోవడమే లక్ష్యంగా హోంలాండ్‌ సెక్యూరిటీ అధికారులు 2013 సెప్టెంబరులో యూనివర్సిటీ ఆఫ్‌ నార్తర్న్‌ న్యూజెర్సీ అనే నకిలీ వర్సిటీని సృష్టించారు. ఇదే సమయంలో అక్రమార్కులు రంగప్రవేశం చేశారు. ఆ వర్సిటీలో చేరేందుకు ఆసక్తి చూపిన విద్యార్థుల నుంచి పెద్దమొత్తంలో డబ్బు తీసుకుని దాదాపు 1000 మందికి స్టూడెంట్‌, వర్క్‌ పర్మిట్‌ వీసాలు జారీ చేయించారు. వీరిలో మనవాళ్లు 306 మంది.