యూఏఈ: 'అల్ హోసన్' యాప్‌లో గ్రీన్ పాస్ చెల్లుబాటును 30 రోజుల నుండి 14 రోజులకు తగ్గించినట్లు యూఏఈ ఆరోగ్య శాఖ సోమవారం ప్రకటించింది.

అంటే పూర్తిగా వ్యాక్సినేషన్ అయిన నివాసితులు..ఇకపై కోవిడ్ నెగటివ్ పీసీఆర్ రిపోర్ట్ పొందిన తదుపరి 14-రోజుల వరకు మాత్రమే గ్రీన్ పాస్ ను పొందుతారు.

యూఏఈ లో రోజువారీ కోవిడ్ కేసులు ఈ వారంలో రెట్టింపు కావడంతో ఈ నిర్ణయం తీసుకున్నట్లు నేడు మీడియా సమావేశంలో ఆరోగ్య శాఖ తెలిపింది.

ప్రభుత్వ ప్రతినిధి మాట్లాడుతూ, కొత్త నిబంధన జూన్ 15 బుధవారం నుండి వర్తిస్తుందని తెలిపారు. అయితే, విద్యా రంగంలోని విద్యార్థులు మరియు ఉద్యోగులకు..కొత్త నిబంధనలు జూన్ 20 అమలులోకి రానుంది.అబుధాబిలో బహిరంగ ప్రదేశాలు,మాల్స్ మరియు ఈవెంట్లకు గ్రీన్ పాస్ ఉన్నవారికి మాత్రమే ప్రవేశం అనుమతించబడుతుంది.