మస్కట్: పౌరులు, నివాసితులు అత్యవసర పరిస్థితుల సమయంలో సాయాన్ని పొందేందుకు ‘నిడా(NIDA)’ లేదా ‘కాల్(CALL)’ అనే కోడ్‌నేమ్‌తో కూడిన యాప్‌ను పౌర రక్షణ, అంబులెన్స్ అథారిటీ (సిడిఎఎ) ప్రారంభించింది. అత్యవసర సమయాల్లో SOS సిస్టమ్ ద్వారా బటన్‌ను నొక్కడం ద్వారా అత్యవసర అధికారులతో కమ్యూనికేట్ అవ్వడంతోపాటు అంబులెన్స్ ను సమాచారం అందించవచ్చు. ఈ ఫీచర్ మాట్లాడలేని వ్యక్తులు, వినికిడి లోపం ఉన్నవారిని దృష్టిలో పెట్టుకొని తీసుకొచ్చారు. యాప్ ద్వారా ప్రమాదాలు, యాక్సిడెంట్లు, ఫైర్ యాక్సిడెంట్, నదులు-చెరువులలో మునిగిపోయే సంఘటనలతోసహా ఇతర అత్యవసర పరిస్థితుల సమయాల్లో ఎమర్జెన్సీ సర్వీసులను కాంటాక్ట్ కావచ్చని అధికారులు తెలిపారు.