సౌదీ: సౌదీ ఆరోగ్య మంత్రి ఫహద్ అల్-జలాజెల్ "హలో డాక్టర్" సేవను ప్రారంభించారు.ఈ ప్రాజెక్టును సౌదీ టెలికమ్యూనికేషన్ కంపెనీ (STC) సహకారంతో వైద్య సంప్రదింపుల కోసం ఏర్పాటు చేశారు. ఈ సంవత్సరం హజ్ సీజన్‌లో యాత్రికులకు వీడియోకాన్ఫరెన్స్ ద్వారా ఆధునిక వైద్య సేవలను అందించేందుకు హలో డాక్టర్ సేవలు ఉపయోగపడతాయని  ఫహద్ అల్-జలాజెల్  తెలిపారు. రియాద్‌లోని సెహా వర్చువల్ హాస్పిటల్‌తో రోగులకు అవసరమైన సేవలు అందాతాయన్నారు. అలాగే తనిఖీ, రోగ నిర్ధారణ, మందుల పంపిణీ కూడా ఈ సర్వీసులో భాగంగా అందిస్తారని పేర్కొన్నారు. వైద్య, సాంకేతిక, పరిపాలనా పర్యవేక్షణలో ఆసుపత్రులు, ఆరోగ్య కేంద్రాలు, అంబులెన్స్‌ల సమితిని కలిగి ఉన్న పవిత్ర ప్రదేశాలలో సమగ్ర ఆరోగ్య సౌకర్యాల వ్యవస్థ ద్వారా 1443 హిజ్రీ సంవత్సరం హజ్ సీజన్ కోసం ఆరోగ్య మంత్రిత్వ శాఖ చాలా ముందుగానే సిద్ధం చేసిందని ఆయన పేర్కొన్నారు.  సురక్షితమైన వాతావరణంలో ఆచారాలను నిర్వహించడానికి చొరవ చూపిన రెండు పవిత్ర మస్జీదుల సంరక్షకుడు క్రౌన్ ప్రిన్స్ కింగ్ సల్మాన్ కు మంత్రి ఈ సందర్భంగా అభినందనలు తెలిపారు.