మనామా: 2013 నాటి మినిస్టీరియల్ ఎడిట్ (3)ని ప్రయివేటు రంగ సంస్థలు పాటిస్తున్నాయా లేదా పరిశీలించేందుకు కార్మిక మంత్రి జమీల్ బిన్ మొహమ్మద్ అలీ హుమైదాన్ ఆకస్మిక క్షేత్ర పర్యటన నిర్వహించారు.  జూలై, ఆగస్టు నెలల్లో అమలు చేస్తున్న నూన్ వర్క్ నిషేధం అమలును ఈ సందర్భంగా పరిశీలించారు. మంత్రి వర్క్‌సైట్‌ల దగ్గర సూపర్‌వైజర్‌లతో సమావేశమయ్యారు. కార్మికుల ఆరోగ్యం, భద్రతను పరిరక్షించడం, వృత్తిపరమైన ప్రమాదాలను తగ్గించడం లక్ష్యంగా రెండు నెలల నిషేధానికి పూర్తిగా కట్టుబడి ఉండేలా ఆయా కంపెనీలు తీసుకున్న చర్యల గురించి అడిగి తెలుసుకున్నారు. జూలై 1న నూన్ వర్క్ నిషేధ చట్టం అమల్లోకి వచ్చినప్పటి నుండి మంత్రిత్వ శాఖ 6608 తనిఖీలను నిర్వహించింది. మొత్తం 16 సంస్థలు, 27 మంది కార్మికులు నిషేధాన్ని ఉల్లంఘించినట్లు గుర్తించారు. 2012 చట్టం 36 ప్రకారం.. రెండు నెలల నిషేధాన్ని ఉల్లంఘించిన వారికి మూడు నెలల వరకు జైలు శిక్షతోపాటు BD1000 వరకు జరిమానా విధించబడుతుంది.