జెడ్డా: గ్రాండ్ మస్జీదు గేట్ 100కి సౌదీ అరేబియా దివంగత రాజు అబ్దుల్లా బిన్ అబ్దులాజీజ్ పేరు పెట్టనున్నట్లు రెండు పవిత్ర మస్జీదుల జనరల్ ప్రెసిడెన్సీ ప్రకటించింది. రెండు పవిత్ర మస్జీదులను విస్తరించడం ద్వారా యాత్రికులు తమ ఆచారాలను సులభంగా నిర్వహించడానికి వీలు కలుగుతుందని ప్రెసిడెన్సీ చీఫ్ షేక్ అబ్దుల్‌రహ్మాన్ అల్-సుదైస్ అన్నారు. సౌదీ రాజులు ఎల్లప్పుడూ రెండు పవిత్ర మస్జీదుల పట్ల చాలా శ్రద్ధ వహించారన్నారు. మస్జీదులకు వాటిని సందర్శించే యాత్రికులకు అత్యుత్తమ సేవలను అందించడం తమ ప్రథమ ప్రధాన్యత అని అల్-సుడైస్ తెలిపారు. మక్కాలోని గ్రాండ్ మస్జీదుకు మొత్తం 210 ద్వారాలు ఉన్న విషయం తెలిసిందే.