కువైట్ సిటీ: ప్రార్థనలు చేయడానికి వచ్చే వారి కార్లను దొంగలిస్తున్న వ్యక్తిని ఫర్వానియా డిటెక్టివ్‌లు గుర్తించి అరెస్ట్ చేసినట్లు అంతర్గత వ్యవహారాల మంత్రిత్వ శాఖ తెలిపింది. అబ్దుల్లా అల్-ముబారక్ ప్రాంతంలోని అల్-మువాజిరి మస్జీదు సమీపంలో ఈ ఘటన జరిగింది. ప్రార్థనలకు వచ్చిన వారు పార్కింగ్ చేసిన వాహనాలను నిందితుడైన(33 ఏళ్ల కువైట్ పౌరుడు) దొంగిలించే వాడని మంత్రిత్వ శాఖ తెలిపింది. అతనికి క్రిమినల్ రికార్డు ఉందని, డ్రగ్స్ కు అతడు బానిసై దొంగతనాలకి పాల్పడుతున్నట్లు తమ విచారణలో తేలిందన్నారు. సదరు కార్ల దొంగ ఒక నెల క్రితమే జైలు నుండి విడుదలయ్యాడని అంతర్గత మంత్రిత్వ శాఖ వెల్లడించింది.