కువైట్: వివిధ ప్రాంతాలలో చేపట్టిన ఇంటెన్సివ్ సెక్యూరిటీ క్యాంపెయిన్‌లో భాగంగా వివిధ దేశాలకు చెందిన 67 మంది నిర్వాసితులను అరెస్ట్ చేసినట్లు అంతర్గత వ్యవహారాల మంత్రిత్వ శాఖ వెల్లడించింది. అరెస్టయిన వారందరూ నివాసాలు, వర్క్ పర్మిట్లను ఉల్లంఘించారని ప్రకటించింది. వీరిపై అనేక ఉల్లంఘన కేసులో నమోదయినట్లు తెలిపింది. అరెస్టయిన వారిపై వాణిజ్య మంత్రిత్వ శాఖ 20 ఉల్లంఘనలు, కువైట్ మునిసిపాలిటీ 3 ఉల్లంఘనలు, పబ్లిక్ అథారిటీ ఆఫ్ మ్యాన్‌పవర్ 12 ఉల్లంఘనలు ఉన్నాయన్నారు. 67 మంది నిర్వాసితులపై చట్టపరమైన చర్యలు తీసుకోవాలని సంబంధిత అధికారులకు సూచించినట్లు అంతర్గత వ్యవహారాల మంత్రిత్వ శాఖ పేర్కొంది.