మస్కట్: 52వ జాతీయ దినోత్సవం సందర్భంగా నవంబర్ 3 నుండి నవంబర్ 30 వరకు తమ వాహనాలను అలంకరించేందుకు జాతీయ స్టిక్కర్లు/పోస్టర్‌ల వినియోగానికి రాయల్ ఒమన్ పోలీసులు (ROP) అనుమతించారు. వాహనాలపై జాతీయ స్టిక్కర్ల వినియోగానికి సంబంధించి డైరెక్టరేట్ జనరల్ ఆఫ్ ట్రాఫిక్ కొన్ని మార్గదర్శకాలను విడుదల చేసింది. స్టిక్కర్లను వాహనం కిటికీలు, నంబర్ ప్లేట్లు, లైట్ల వరకు విస్తరించకూడదు. అభ్యంతరకరమైన రీతిలో జాతీయ స్టిక్కర్లు/పోస్టర్‌లను అంటించరాదు. వాహనం రంగు, ఆకారాన్ని మార్చడం లేదా ట్రాఫిక్ భద్రతా నిబంధనలు ఉల్లంఘించే విధంగా స్టిక్కర్లను ఉపయోగించడాన్ని నిషేధించారు. కిరీటం, బాకు చిహ్నాన్ని స్టిక్కర్‌గా ఉపయోగించవద్దని డైరెక్టరేట్ జనరల్ ఆఫ్ ట్రాఫిక్ పేర్కొంది.