కువైట్: సుమారు అర కిలో విష పదార్థం(టాక్సిక్ సబ్ స్టాన్స్), 240 దిగుమతి చేసుకున్న మద్యం బాటిళ్లను స్వాధీనం చేసుకున్నట్లు కువైట్ క్రిమినల్ సెక్యూరిటీ డిపార్ట్‌మెంట్ వెల్లడించింది. ఈ ఘటనకు సంబంధించిన ఇద్దరు వ్యక్తులను అరెస్టు చేసినట్లు పేర్కొంది. ఈ సందర్భంగా నిషేధిత వస్తువులను విక్రయించడం ద్వారా నిందితులు అందుకున్న డబ్బును కూడా స్వాధీనం చేసుకున్నట్లు తెలిపింది. నిందితులపై చట్టపరమైన చర్యలు తీసుకోవడానికి వీలుగా వారి వద్ద నుంచి స్వాధీనం చేసుకున్న వస్తువులను సంబంధిత అధికారికి సమర్పించినట్లు సెక్యూరిటీ డిపార్ట్ మెంట్ పేర్కొంది.