దుబాయ్: గ్లోబల్ విలేజ్ VIP ప్యాక్‌లలో ఒకదానిలో దాచిన బంగారు నాణేన్ని గుర్తించిన షార్జా నివాసి ముహమ్మద్ హుస్సేన్ జాజిరి Dh27,000 నగదు బహుమతిని గెలుచుకున్నాడు. ఈ మేరకు గ్లోబల్ విలేజ్ నిర్వాహకులు తెలియజేశారు. ఈ సందర్భంగా ముహమ్మద్ హుస్సేన్ మాట్లాడుతూ.. 30 సంవత్సరాలకు పైగా షార్జాలో నివసిస్తున్నట్లు తెలిపారు. తను తరచూ గ్లోబల్ విలేజ్ కు వస్తానని పేర్కొన్నారు. తన VIP ప్యాక్‌లో గోల్డెన్ కాయిన్‌ని కనుగొన్నందుకు సంతోషం వ్యక్తం చేశారు. తరచుగా తన కుటుంబం, స్నేహితులతో గ్లోబల్ విలేజ్ లో షాపింగ్ చేస్తానని తెలిపారు.