కువైట్: కువైట్‌లో సాల్మియాలోని మసాజ్ పార్లర్‌లో పనిచేస్తున్న పదకొండు మంది ఆసియా మేల్ క్రాస్ డ్రెస్సర్‌లను అరెస్టు చేసినట్లు పోలీసులు తెలిపారు.  దేశంలోకి ఎంట్రీ వీసాలు పొందిన కొంతమంది క్రాస్ డ్రెస్సర్లు, వారిని తీసుకువచ్చిన కంపెనీల గురించి తమకు ఒక ఆసియా దేశం నుండి సమాచారం అందిందని పోలీస్ అధికారులు వెల్లడించారు. అందిన సమాచారంపై దర్యాప్తు ప్రారంభించి, వారిని రిక్రూట్ చేసిన కంపెనీలను తనిఖీ చేసి వారిలో కొందరిని అరెస్టు చేశామని, జాబితాలోని మరికొందరని త్వరలోనే గుర్తిస్తామన్నారు. ఇటీవలి కాలంలో మసాజ్ పార్లర్‌లలో ది క్రాస్ డ్రస్సర్‌లతో సహా పదుల సంఖ్యలో లేబర్ నిబంధనలను ఉల్లంఘించిన కార్మికులను అరెస్టు చేసినట్లు పోలీసులు తెలిపారు. వారిలో కొందరికి అవసరమైన ఆరోగ్య లైసెన్స్‌లు లేవని, మరికొందరు కంపెనీ స్పాన్సర్‌షిప్‌లో లేరని గుర్తించినట్లు పేర్కొన్నారు.