సౌదీ: రియాద్ లో కొత్త విమానాశ్రయాన్ని ప్రారంభించనున్నట్లు సౌదీ అరేబియా క్రౌన్ ప్రిన్స్ మహ్మద్ బిన్ సల్మాన్ ప్రకటించారు. కింగ్ సల్మాన్ అంతర్జాతీయ విమానాశ్రయానికి సంబంధించిన ప్రణాళికలను సోమవారం మధ్యాహ్నం క్రౌన్ ప్రిన్స్ ప్రకటించారు. కొత్త విమానాశ్రయం 2030 నాటికి 120 మిలియన్ల మంది ప్రయాణీకులను స్వాగతించేలా నిర్మాణం చేస్తున్నట్లు తెలిపారు. 2050 నాటికి 3.5 మిలియన్ టన్నుల కార్గోను ప్రాసెస్ చేసేలా ప్రణాళికలు తయారు చేసినట్లు వెల్లడించారు. గ్లోబల్ లాజిస్టిక్స్, టూరిస్ట్, ట్రాన్స్‌పోర్ట్ హబ్‌గా రియాద్ స్థానాన్ని పెంచుతుందన్నారు. కొత్త ఎయిర్ పోర్ట్ ప్రపంచంలోని అతిపెద్ద విమానాశ్రయాలలో ఒకటిగా నిలుస్తుందని, ఆరు సమాంతర రన్‌వేలను కలిగి ఉంటుందని తెలిపింది. ఈ విమానాశ్రయం సౌదీ చమురుయేతర GDPకి 27 బిలియన్ సౌదీ రియాల్స్‌ను జోడిస్తుందని క్రౌన్ ప్రిన్స్ వెల్లడించారు. రియాద్‌ను ప్రపంచంలోని టాప్ టెన్ సిటీ ఎకానమీలలో ఒకటిగా మార్చడం, "గ్లోబల్ గేట్‌వే"గా రియాద్ ను మార్చడం వంటి ప్రయాత్నాలు పెద్ద ప్రాజెక్ట్‌లో భాగంగా ఉన్నాయని క్రౌన్ ప్రిన్స్ సల్మాన్ తెలిపారు. రాబోయే ఎనిమిది సంవత్సరాలలో రియాద్ జనాభా పెరుగుదలను అంచనా వేసి సుమారు 15 నుండి 20 మిలియన్ల మంది ప్రయాణికులు సేవలు అందించేందుకు ఈ విమానాశ్రయం నిర్మాణ ప్రణాళికలు రూపొందించినట్లు క్రౌన్ ప్రిన్స్ మహ్మద్ బిన్ సల్మాన్ వెల్లడించారు.