సుందరంగా ముస్తాబైన ఏడు దేశాలు
దేశ సంస్కృతి ఆచార సంప్రదాయాలు 
గౌరవిస్తు దేశీయులు విదేశీయులు 
ప్రవాసులు మైత్రీసుహృధ్భావనతో
మనసుల్లోఈ దేశంపట్ల ఉప్పొంగే గౌరవము 
భిన్నసంస్కృతుల  సమాహారము 
సమైక్యత ఐకమత్యంతో చేతులెత్తి
చేసేరు జనులంతా వందనాలు .....

కర్మభూమిలో వెల్లివిరిసే  ఆనందసరాగాలు 
పిల్లల పెద్దల మదిలో ఉప్పొంగే సంతోషాలు
హంగులతో స్వతంత్ర భావాలతో ఠీవీగా 
వినువీధుల్లోరెపరెపలాడే త్రివర్ణ పతాకం 
మిరుమిట్లు కొలిపే దీపకాంత శిఖాలు
మిన్నంటే అంబరాల  సంబరాలు 

ఆకాశాన రయ్ రయ్ మనే విన్యాసాలు 
కుర్రకారుజోరు హుషారైన షికారులు 
అరబ్బీయుల ముచ్చటైన వేషధారణలు 
అడుగడుగున వినిపించే దేశీయ గీతాలు 

హింస చొరనీయని అహింసే చిరునామాగ 
శాంతిభద్రతలు  ఆరోగ్యము పర్యావరణ 
పరిరక్షణతో విశ్వంలో అత్యున్నత సురక్షిత 
దేేశంగా సుభిక్షపాలనతో యాభైవసంతాలు
పూర్తిచేసుకొని యాభైఒకటో వత్సరంలోకి
అడుగిడిగి *జాతీయదినం* వేడుకలు
చేసుకుంటున్న అరబ్బీయుల గల్ఫ్ దేశము.......

(యామిని కోళ్ళూరు,అబుధాభి)