బుల్లితెర సెన్సేషనల్ గేమ్ షో ‘బిగ్‌బాస్’ ఆరు సీజన్లను సక్సెస్‌ఫుల్‌గా పూర్తి చేసుకుంది. రీసెంట్‌గా ముగిసిన బిగ్‌బాస్ ఆరో సీజన్ విన్నర్‌గా సింగర్ రేవంత్ ట్రోఫీ దక్కించుకున్న సంగతి తెలిసిందే.
ఇదిలా వుంటే, ఏడో సీజన్ బిగ్‌బాస్ గురించి తాజాగా ఓ ప్రచారం తెరపైకి వచ్చింది. ఏడో సీజన్ హోస్ట్‌గా నందమూరి బాలయ్య బరిలోకి దిగుతున్నారనేది ఈ ప్రచారం తాలూకు సారాంశం.
తొలి సీజన్ బిగ్‌బాస్ హోస్ట్‌గా యంగ్ టైగర్ ఎన్టీయార్, రెండో సీజన్‌ హోస్ట్‌గా నాని తమదైన శైలిలో బాధ్యతను నిర్వర్తించగా.. ఆ తర్వాతి సీజన్ల కోసం నాగార్జున పూర్తి బాధ్యత తీసుకున్నారు.
ఇక ఏడో సీజన్‌కి సంబంధించి నాగార్జున డేట్లు కేటాయించలేకపోతున్నారట. అందుకే బాలయ్య ఈ ప్లేస్‌ని భర్తీ చేసేందుకు సిద్ధమవుతున్నట్లు తెలుస్తోంది. ఆల్రెడీ బిగ్‌బాస్ నిర్వహకులు బాలయ్యను ఎంగేజ్ చేసినట్లు తెలుస్తోంది.
ఇప్పటికే ఆహా వేదికగా బాలయ్య ‘అన్‌స్టాపబుల్’ టాక్ షో రెండు సీజన్లను విజయవంతంగా రన్ చేస్తున్నారు. ఈ క్రమంలో బిగ్‌బాస్ హోస్ట్‌గా తన సత్తా ఎలా చాటుతారనేది చూడాలి మరి.