విలక్షణ పాత్రలకు ఎప్పుడూ ముందుంటాడు చియాన్ విక్రమ్.ఈ సారి ఓ స్టార్ హీరో కోసం ఈ మరో స్టార్ విలన్ కాబోతున్నాడట. ఇంతకీ ఎవరా స్టార్ హీరో.? ఏంటా కథ.? 
వివరాల్లోకి వెళితే, విశ్వ నటుడు కమల్ హాసన్ లీడ్ రోల్‌లో వచ్చిన ‘విక్రమ్’ బాక్సాఫీస్ వద్ద రికార్డులు కొల్లగొట్టిన సంగతి తెలిసిందే. ఆ సినిమా ఇచ్చిన జోష్‌‌తో ‘విక్రమ్’‌కి సీక్వెల్ రూపొందబోతోందన్న సంగతి కూడా తెలిసిందే.
అతి త్వరలోనే అంటే, ఈ ఏడాదిలోనే ‘విక్రమ్ 2’ మొదలెట్టబోతున్నారట. ఆ సినిమాకి సంబంధించి ఓ సరికొత్త గాసిప్ ప్రచారంలోకి వచ్చింది. ఈ సినిమాలో విక్రమ్ ఓ పవర్‌ఫుల్ రోల్ పోషించబోతున్నాడన్నదే ఆ గాసిప్ సారాంశం.
ఆల్రెడీ ఈ సీక్వెల్‌లో మెయిన్ విలన్‌గా రోలెక్స్ పాత్రలో సూర్య నటించబోతున్న విషయం మొదటి పార్ట్‌లోనే హింట్ ఇచ్చేశారు. తాజా గాసిప్ ప్రకారం, ‘విక్రమ్‌ 2‌’ లో మరో విలన్ వుండబోతున్నాడనీ, అది చియాన్ విక్రమ్ అనీ ప్రచారం జరుగుతోంది. ఈ ప్రచారంలో నిజమెంతో తెలియాలంటే మరికొన్నాళ్లు వెయిట్ చేయాల్సిందే.