యూఏఈ: ఎమిరేట్స్ IDకి సంబంధించిన సోషల్ మీడియాలో వైరల్ అవుతున్న పోస్ట్‌ను యూఏఈ ఫెడరల్ అథారిటీ ఫర్ ఐడెంటిటీ, సిటిజన్‌షిప్, కస్టమ్స్ మరియు పోర్ట్స్ సెక్యూరిటీ (ICP) తిరస్కరించింది. గల్ఫ్ పౌరులు కేవలం రుసుము చెల్లించి ఎమిరేట్స్ ఐడి కార్డును పొందవచ్చని పోస్ట్‌లో ఉందని, ఆ సమాచారం అవాస్తవమని గురువారం ఉదయం జారీ చేసిన హెచ్చరికలో అధికార యంత్రాంగం వెల్లడించింది. ఈ మేరకు వైరలవుతున్న పలు పోస్టులను ఈ సందర్భంగా షేర్ చేసింది. "ఎమిరేట్స్ ID కార్డ్ పొందడానికి జనాభా రిజిస్ట్రీకి అవసరాలను పూర్తి చేయడం అవసరం" అని ICP తెలిపింది. ఈ విషయంలో జారీ చేయబడిన నియంత్రణ నిర్ణయాలకు అనుగుణంగా కార్డ్‌ని పొందడం నిబంధనలు, షరతులకు లోబడి ఉంటుందని, కార్డుల జారీలో ఏ మార్పులకు గురికాలేదని ICP జోడించింది. వైరలవుతున్న పోస్టుల్లో పేర్కొన్న పుకార్లను పట్టించుకోవద్దని, ధృవీకరించబడిన ఛానెల్‌లు, అధికారిక ప్రభుత్వ వనరుల నుండి సరైన సమాచారాన్ని మాత్రమే అనుసరించాలని నివాసితులకు అథారిటీ పిలుపునిచ్చింది.