సౌదీ: రమదాన్ మాసంలో ఉమ్రా ఆచారాల నిర్వహణకు సౌదీ అరేబియాకు యాత్రికులు భారీగా చేరుకోనున్నారు. దీంతో రమదాన్ ముగిసే వరకు ఉమ్రా చేయడానికి కొత్త రిజర్వేషన్‌లను అనుమతించడం లేదని అధికారులు తెలిపారు. రమదాన్ మాసంలో ఉమ్రా ఆచారాలను నిర్వహించడానికి రిజర్వేషన్ల కోసం "నుసుక్" ఎలక్ట్రానిక్ ప్లాట్‌ఫారమ్‌లో డిమాండ్‌ భారీగా పెరిగింది. రమదాన్ మొదటి 13 రోజుల్లో రిజర్వేషన్‌లకు అవకాశం లేదని, మిగతా పది రోజుల కోటా కూడా పూర్తిగా రిజర్వ్ అయినట్లు సౌదీ హజ్, ఉమ్రా మంత్రిత్వ శాఖ అండర్ సెక్రటరీ, ఉమ్రా వ్యవహారాల సహాయకుడు అబ్దుల్ రెహ్మాన్ షామ్స్ తెలిపారు. రమదాన్ మాసంలో రాజ్యం వెలుపల నుండి ఉమ్రా కోసం నస్క్ ప్లాట్‌ఫారమ్‌లో నమోదు చేసుకున్న వారి సంఖ్య గురువారం వరకు దాదాపు 800,000 మందికి చేరుకుందని వెల్లడించారు.