అప్పుడెప్పుడో అల్లు అర్జున్ హీరోగా ‘వరుడు’ అనే సినిమా వచ్చింది. బన్నీ కెరీర్‌లోనే బిగ్గెస్ట్ డిజాస్టర్ మూవీ అది. అబ్బో.! ఆ సినిమా విషయంలో రిలీజ్‌కి ముందు చిత్ర యూనిట్ చేసిన అనవసరమైన హంగామా అంతా ఇంతా కాదు. అప్పట్లో అదో సెన్సేషన్ ఆయె. 

అన్నింటికీ మించి ఈ సినిమాలోని హీరోయిన్. రిలీజ్ వరకూ ఈ సినిమాలోని హీరోయిన్‌ని కనిపించకుండా దాచేసి వుంచి ఓ పెద్ద సెన్సేషన్ క్రియేట్ చేశారు. 

ఆ హీరోయిన్ గురించే ఇప్పుడు మనం మాట్లాడుకోబోతున్నాం. ఆమె పేరు భానుశ్రీ. ఈ మధ్య అల్లు అర్జున్ సోషల్ మీడియా హ్యాండిల్ నుంచి ఈమె పేరు తొలగించాడనీ అదో పెద్ద రచ్చ జరిగింది నెట్టింట్లో.

అలా ఎప్పుడో మర్చిపోయిన ఈ భామ పేరు మళ్లీ తెరపైకి వచ్చింది. తాజాగా వయసు మీద పడ్డ హీరోయిన్లు, హీరోల మధ్య డిఫరెన్స్ గురించి చెబుతూ మరోసారి సెన్సేషనల్ అయ్యే ప్రయత్నం చేసింది భానుశ్రీ. 

వయసు మీద పడినా హీరోలు మాత్రం టీనేజ్ పాత్రలు చేస్తున్నారు. హీరోయన్లు మాత్రం తల్లి పాత్రలతో సరిపెట్టుకోవల్సి వస్తోంది. హీరోయిన్ల విషయంలో ఎందుకింత వివక్ష చూపిస్తున్నారు.. అంటూ నిలదీసింది భానుశ్రీ. ఈ వ్యాఖ్యలు నెట్టింట వైరల్ అవుతుండగా, భిన్న స్పందనలు వస్తున్నాయ్. చూస్తుంటే, ఎలాగోలా తన ఉనికిని చాటుకునేందుకే ఇలాంటి సంచలన వ్యాఖ్యలు చేస్తోంది కాబోలు ఈ అమ్మడు.. అనిపిస్తోంది.