అభివృద్ధి పథాన GCC రియల్ ఎస్టేట్ రంగం..!
- March 27, 2023బహ్రెయిన్: GCC దేశాల ఆర్థిక వ్యవస్థలు ఈ సంవత్సరం అభివృద్ధి పథాన దూసుకుపోతుందని,ముఖ్యంగా రియల్ ఎస్టేట్ రంగంలో వేగవంతమైన విస్తరణ కొనసాగుతుందని భావిస్తున్నారు. హైడ్రోకార్బన్, నాన్-హైడ్రోకార్బన్ రంగాలు రెండూ వృద్ధి రేటు గణనీయంగా పెరుగుతుందని అంచనా వేయబడింది. 2023 మిడిల్ ఈస్ట్ రియల్ ఎస్టేట్ మార్కెట్ ఔట్లుక్ అనే కమర్షియల్ రియల్ ఎస్టేట్ కంపెనీ అయిన CBRE తన ఇటీవలి నివేదికలో ఈ మేరకు పేర్కొంది. పెరుగుతున్న చమురు ధరలు , స్థిరమైన ఆర్థిక వృద్ధి, పెట్టుబడిదారుల స్థాయిలను బలపరిచే విధంగా రియల్ ఎస్టేట్ కోసం మంచి దృక్పథం ఉందని సూచించింది. రియల్ ఎస్టేట్ ప్రాజెక్ట్లు, హోటళ్లు, పారిశ్రామిక, లాజిస్టిక్స్, తయారీ రంగాల వంటి అనుబంధ రంగాలు ఈ వైవిధ్యీకరణ డ్రైవ్లో ప్రధాన పాత్ర పోషిస్తాయని తెలిపింది. ప్రస్తుతం ప్లాన్ చేసిన లేదా నిర్మాణంలో ఉన్న రియల్ ఎస్టేట్ ప్రాజెక్ట్ల మొత్తం విలువ ప్రస్తుతం $1.36 ట్రిలియన్లుగా నివేదికలో అంచనా వేయబడింది.
సౌదీ అరేబియా ఈ మొత్తంలో 64 శాతం లేదా దాదాపు $877 బిలియన్ల వాటాను కలిగి ఉంది. ఆ తర్వాత యూఏఈ $293 బిలియన్లు.. మొత్తంలో 21.6 శాతం వాటాను కలిగి ఉంది. బహ్రెయిన్, కువైట్, ఒమన్, ఖతార్ వరుసగా 1.7 శాతం, 4.4 శాతం, 4.6 శాతం మరియు 3.3 శాతం వాటాను కలిగి ఉన్నాయి. బహ్రెయిన్ లో విల్లా ధరలు తక్కువ సింగిల్ డిజిట్ శాతం పెరుగుతాయని అంచనా వేశారు. కొత్త లాంచ్లు, ప్రస్తుత సరఫరా స్థాయిలను బట్టి మార్కెట్లోని అపార్ట్మెంట్ విభాగంలో ధరలు మరింత భారీగా పడిపోవచ్చని నివేదికలో అంచనా వేయబడింది. వచ్చే సంవత్సరంలో సౌదీ అరేబియా అపార్ట్మెంట్, విల్లా మార్కెట్లలో ధరల పనితీరు మరింత మెరుగుపడుతుందని తెలిపింది. దుబాయ్లో అపార్ట్మెంట్, విల్లా విభాగాలు రెండింటిలోనూ ధరలు పెరుగుతూనే ఉంటాయని పేర్కొన్నారు. అబుధాబిలో రాబోయే సంవత్సరంలో లావాదేవీల పరిమాణం, ధరల పెరుగుదల రేటు రెండింటిలోనూ వృద్ధి ఉంటుందని నివేదిక అంచనా వేసింది.
తాజా వార్తలు
- దుబాయ్లో 'ISEA' అవార్డుల ప్రధానం
- బెంగళూరుతో సన్రైజర్స్ మ్యాచ్..
- భారీగా తగ్గిన బంగారం, వెండి ధరలు
- ప్రధాని మోదీ తెలంగాణ పర్యటనలు ఖరారు..!
- మరోసారి బహిరంగ క్షమాపణలు తెలిపిన రాందేవ్ బాబా
- తిరుమల శ్రీవారి భక్తులకు అలర్ట్
- తెలంగాణలో భానుడి భగభగలు..వడదెబ్బతో ముగ్గురి మృతి
- తెలంగాణలో ఇంటర్ ఫలితాలు విడుదల
- 33,350 టయోటా ల్యాండ్ క్రూయిజర్, లెక్సస్ కార్ల రీకాల్
- నేపాల్ అధ్యక్షుడితో అమీర్ భేటీ