కువైట్: అన్ని సరిహద్దులు, ఓడరేవులలో కొత్తగా ప్రవేశపెట్టిన బయోమెట్రిక్ స్కాన్ పౌరులు నివాసితులకు ఆందోళన కలిగించే విషయం కాదని, ఎందుకంటే ఇది ప్రయాణికులను దేశం నుండి బయటకు వెళ్లకుండా లేదా ప్రవేశించకుండా నిరోధించదని కువైట్ మంత్రిత్వ శాఖ వర్గాలు తెలిపాయి. అయితే,  పౌరులు, నివాసితులు, గల్ఫ్ దేశస్థులు, సందర్శకులతో సహా దేశానికి వచ్చే వారి కోసం ప్రస్తుతం భద్రతా డేటాబేస్ను రూపొందిస్తోందని ఆ వర్గాలు స్పష్టం చేశాయి. తదుపరి దశలో ఈ బయోమెట్రిక్ ఫీచర్ నివాస పునరుద్ధరణకు అనుసంధానించబడుతుందని పేర్కొన్నారు.

బయోమెట్రిక్ స్కాన్ 21 సంవత్సరాల వయస్సు ఉన్న వారికి మాత్రమేనని, 2002 అంతకు ముందు జన్మించిన వారికి ఇది వర్తించబడుతుంది. సందర్శకులందరికీ ప్రత్యేక డేటాబేస్‌ను సెటప్ చేయడానికి స్కాన్ చేసిన డేటా క్రిమినల్ ఎవిడెన్స్ విభాగానికి పంపబడుతుంది. ప్రస్తుతం అధికారులు బయోమెట్రిక్ స్కాన్ కోసం సరిహద్దులలో 49 పరికరాలను అమర్చారు. సల్మీ పోర్ట్‌లో ఏడు పరికరాలు, నువైసీబ్‌లో ఎనిమిది పరికరాలు, అబ్దాలీలో 4, ఓడరేవులో రెండు, ఒక్కొక్కటి 14 పరికరాలను అమర్చారు. విమానాశ్రయాలు T1, T4 మరియు T5, షేక్ సాద్ అల్-అబ్దుల్లా విమానాశ్రయం, ప్రోటోకాల్ హాల్‌తో పాటు ఉమ్ అల్-హేమాన్, అల్-జహ్రా కేంద్రాలలో పద్నాలుగు యంత్రాలను ఏర్పాటు చేశారు. పౌరుల నుంచి డేటాను సేకరించేందుకు ఈ కేంద్రాలు 24 గంటలపాటు పనిచేస్తాయని మంత్రిత్వ శాఖ తెలియజేసింది.