కువైట్: ప్రభుత్వ యాప్ సహెల్ ద్వారా అందుబాటులో ఉండే ఆరోగ్య మంత్రిత్వ శాఖ సేవలను విస్తరించారు. కొత్తగా ప్రివెంటివ్ వ్యాక్సిన్ సర్టిఫికెట్లు జోడించబడ్డాయని ఆరోగ్య మంత్రిత్వ శాఖ డిజిటల్ హెల్త్ అఫైర్స్ అసిస్టెంట్ అండర్ సెక్రటరీ డాక్టర్ అహ్మద్ అల్-గరీబ్ తెలిపారు. కొత్త సేవలో పిల్లలకు నివారణ, సాధారణ టీకాలు.. అలాగే హజ్ వ్యాక్సిన్‌ల వివరాలను తెలుసుకోవచ్చని గరీబ్ చెప్పారు. యాప్ ద్వారా వినియోగదారులు తమకు లేదా 16 ఏళ్లలోపు వారి పిల్లలలో ఎవరికైనా సర్టిఫికేట్‌ను అభ్యర్థించవచ్చని వెల్లడించారు.