దుబాయ్‌: డ్రగ్స్ అమ్మినందుకు 13 ఏళ్ల జైలు జీవితం గడిపిన తర్వాత విడుదలైన ఒక స్పోర్ట్స్ ఛాంపియన్‌ను దుబాయ్ పోలీసులు రెండోసారి అరెస్ట్ చేశారు. క్రీడాకారుడు తనకున్న పేరును, ప్రముఖు వ్యక్తులతో సంబంధాలను ఉపయోగించి తన వ్యాపారాన్ని తెలివిగా కొనసాగించాడని పోలీసులు తెలిపారు.  సన్నిహితుల ద్వారా డ్రగ్స్ వ్యాపారం చేసేవాడని, విలాసవంతమైన జీవితాన్ని గడపడానికి సులువుగా డబ్బు సంపాదించడానికి ఆ స్పోర్ట్స్ పర్సన్ డ్రగ్స్ మార్గం ఎంచుకున్నాడని వివరించారు. ఇతర దేశాలకు చెందిన డీలర్లతో కలిసి డ్రగ్స్ వ్యాపారం ప్రారంభించాడని, గుర్రపు సామాగ్రిలో నిషేధిత పదార్థాలను దాచిపెట్టి రవాణా చేసేవాడని తెలిపారు. అయితే దుబాయ్ పోలీసులకు అతని కార్యకలాపాల గురించి సమాచారం లభించడంతో.. వల పట్టుకున్నారు. అతని ప్రమోటర్లను అరెస్టు చేశారు. అధికారులు అతని రెండవ భార్య ఇంటిపై దాడి చేసి, పోషకాహార సప్లిమెంట్లలో పెద్ద మొత్తంలో దాచిన డ్రగ్స్ ను స్వాధీనం చేసుకున్నారు.  విచారణలో తన నేరాలన్నింటినీ స్పోర్ట్స్ స్టార్ అంగీకరించాడని పోలీసులు తెలిపారు. విచారణ తర్వాత, క్రిమినల్ కోర్ట్ ఛాంపియన్‌కు జీవిత ఖైదు విధించింది.